Minsan isang Sabado

Isang Sabado ng di inaasahan na pangyayari: sapagkat napasakay at napasabay ako sa mga taong di ko naman pangkaraniwang nakakahalubilo.

Isang Sabado ng kalungkutan: sapagkat di ko naman pinlano subalit, narito ako sa di inaasahang pagkakataon.

Isang Sabado ng pagkabalisa: sapagkat gusto kong makawala, subalit wala akong kakayahan kung paano. May i call a friend na ako, subalit ako'y bigo.

Isang Sabado ng pagkamangha: sa mga rebelasyon na ngayon lang nabibigyang kasagutan.

Isang Sabado ng pagkamuhi: sa mga pangyayari at sa mga walang pakiramdam at patuloy na kahihiyan ang idinudulot sa kanilang buhay.

Isang Sabado ng pagkukunwari: sa mga kasiyahang patuloy na nagaganap; na sa kabila ng mga ngiti at halakhak ay pait ang tunay na saloobin.

Isang Sabado ng katotohanan: na walang nais na magkubli ng tunay na nagaganap.

Isang Sabado ng balat-kayo: na sa kabila ng nakabilad na katotohanan, walang nais na maglantad sa publiko ng tunay na naisin.

Isang Sabado ng samahan: na hindi mabatid ang pinag-iba ng panaginip at realidad.

Isang Sabado ng pagtanggap: sapagkat pagsabay pa rin sa agos ang nananaig.

(Kung sa simula pa lamang ay narito na si Red, wala sana ako dito)



yamieslife