CLICK HERE FOR BLOGGER TEMPLATES AND MYSPACE LAYOUTS »

Saturday, October 15, 2011

Sulat

Hi. 

Kamusta ka na? Naririyan ka pa pala at patuloy na nananatili. Ang aking akala ay wala ka na sa sirkulayson ng buhay ko. Nagulat na lang ako sa sarili ko isang araw nang mabisita kita. Aba, maganda ka pala. Maganda rin pala ang na-i-bahagi mo sa buhay ko simula pa nung una. Lalo na nang pasukin, libutin at balikan kong muli ang mga ala-ala ng nakaraan. Na-inspire muli ako na hanap-hanapin ang gawaing ito. Hindi ka man kasing popular, kasing higante o kasing karangya ng iba, nadama ko pa rin ang nilalaman ng puso mo. Naramdaman ko muli ang pagkilala sa iyo... 

Kung minsan, kumukuha ako ng inspirasyon sa iba't-ibang uring kagaya mo, mas malalaki at mas matataas ang kanilang nilalaman kaya naman ako ay namamangha at nahihikayat; kahit na hindi nila alam na sa maliit na pamamaraan, ako rin ay napapangiti nila. Gayun pa man, alam kong mas masisiyahan ako ng higit kung ikaw din ay akin pang lilinangin...

Lubos akong umaasa na mabibigyan kita ng sapat na atensyon upang ng sa ganoon ay maiparamdam ko rin naman sa iyo kung ano ang iyong halaga sa aking buhay. Marami akong gustong ibahagi sa iyo - masasaya, malulungkot, nakaka-inis, mga pagsubok at iba pang kuwento sa aking buhay. Hintayin mo lamang ng may kasamang tiyaga at ako ay magbabalik muli sa iyo...

yamieslife

1 comments:

ellehciren said...

just keep on writing even if you dont know who read your post...